Çaste poetike me poeten;-Blerina PELLUMBI

Trokitje zemre …

———————–

Kur ëndrrat më thyen si xhama pasqyre

Ti shfaqesh si era si shiu që bie

Një butësi si drita e hënës në muzg

Më mbështjell si rreze me puthje mbi buzë

Dhe sa herë copëtohem në ikjen ndër vite

Më bëhesh trokitje e zemrës në pritje

Më zgjon në shpirt sa e sa ëndrra fëmije

Më mbron në gjumë nga bishat dhe hijet

Dhe kur ec e ngrysur, e pakët e plakur

Një dritë ti ma ndez një zjarr të përflakur

Ku duart bashkuar mbajnë aq shumë shpresë

Ti erdhe si dritë, më ndriçon përjetë.

/QendraPress/