Çaste poetike me poeten;- Donika Meta GJURA

Kosova në zi

————————-

Sa vështirë e kam të shkruaj,

e tronditur me lot në sy.

Këtë tragjedi t’gjithë po e vuajmë

Shqipëri, Kosovë e deri n’Kroaci..

U nisën nga kurbeti të lumtur të gëzuar,

pranë të dashurve pushimet t’i kalojnë.

Rrugës gjithë natën nga gëzimi kënduan

e nga mëngjesi të lodhur gjumi i kaploi..

Autobuzi i mallkuar nga rruga doli,

gjashtëdhjetë pasagjerët sikur n’ëndëra fluturuan.

Dhjetra kufoma të coptuar i nxorën

e dhjetra të tjerë në spital u shtruan.

Kjo ngjarje e rëndë tokën e tronditi,

kur lajmi i zi në media u përhap.

Janë motrat, vëllezërit tanë përtej kufirit

Jemi një komb, një flamur, e në deje kemi një gjak.

Do të lutemi për ata që janë të shtruar,

të dalin nga spitali shëndoshë e mirë.

Mjaft më nënat e motrat të përvëluar

me të qara, ulërima e veshur në zi.

/QendraPress/