Çaste poetike me poeten; Mimoza Maria AJDHONI

Largësia

————————

Si kaloi koha, nuk e kuptova,

si ikën orët, s’e mora vesh.

Lumturia vend i la trishtimit

dhe kilometrat hynë mes nesh.

Në përqafimin që ëndërronim,

shtrënguam ndjenjat ne të dy.

Të vetëm ishim në botën tonë,

kur befas koha ndaloi aty.

I mbyllëm puthjet skutave të zemrës,

lotët kristal u kthyen në shi.

Ndoshta do të shuajnë zjarrin e mallit,

kur të na ndajë kjo largësi.

Ndoshta takohemi ëndrrave tona,

ndoshta dhe mallin shuajmë aty

dhe zgjohemi qiejve të lumturisë,

të dehur nga kjo dashuri.

/www.QendraPress.com/