Çaste poetike me poeten:-Shqipe BYTYQI

BETEJË E PAMBARUAR

———————————

U avitën ngadalë

herë kokëulur, herë azgan

në kryq u takuan

e mira dhe e keqja

viktima dhe dorasi

ti shihje, si dy faqe monedhe

si vllëzër siamez

nuk e kuptoje,

cili mbante

emrin e tij t‘vërtetë

Pa shih

ende aty pezull qëndrojnë

sy m’sy

dhëmbë m’dhëmbë

pa adjutantė, pa parzmore

Zagushi, zagushi…

e vogël, kjo bota ime

për ata të dy

betejë, mbase pa fillim, pa fund

/QendraPress/