Çaste poetike me poeten ;- Valbona AHMETI
SI TABLO PIKTORI
——————————
Nga palcë e qiejve bora shpërthente
Si floku i saj mbi supe ujëvarë
Dielli rrezet fshehur i mbante
Dehur ishte nga lumturia e saj
Kristale flluskash mbi qepallë i ndrinin
Si tablo piktori me plot shkëlqim
Si me kalorës mbi trupin e saj derdheshin
të mos shkriheshin në asnjë stinë
Erdhi mesnata krejt e mërdhirë
Rrinin dy zemra lidhur dorë me dorë
Qëndisnin puthjet deri në të gdhirë
Nën ndriçim të hënës në dëborë
/QendraPress/
