Çaste poetike me poeten;Lulëzime MALAJ

Dilemë

——————–

Takimi ynë ishte në çastin e gabuar,

ti kurrë, s’do marrësh vesh se të dua.

Qyteti kokëposhtë më është kthyer

nga mungesa e puthjeve të tua.

Për ty jam thjesht mikja më e mirë

dhe shoqes sime i pëshpërit: “- Të dua!”

Por assesi dashuria për ty nga zemra

s’del nga moda kurrë në mua!

Sa dhembë tek puthesh me tjetrën,

atë çast them: “S’të dua”. Por më kot!

Është si të mbytem në një pus pa ujë,

a të mbytem në pellgun me lot!

Çdo ditë lutem: si të të harroj ty!

Ç’dilemë Hamletiane, pse s’mundem vallë?!

Mes dy botëve ku cep më cep frymojmë,

shtrihet pafundësisht një det me mall!

/www.QendraPress.com/