Çaste poetike me poetin;-Abdullah BLAKÇORI

POLITIKA DHE POEZIA

Politika është kambanë zhurmuese

Që flet me premtime të mëdha

Poezia flet veç për të vërtetën

Që prore në zemër e ka

Politika kërkon vetëm poste

Dhe nga populli shumë vota

Poezia është zë i së vërtetës

Që e admiron e gjithë bota

Politika përçan për të sunduar

Dhe rrënon mure për jetën

Poezia ndërton ura bashkimi

Dhe mision e ka të vërtetën

Politika dhe poezia dot s’pajtohen

Ato dallojnë si dita me natë

Se poezia është fanar drite

Kur udha është me shtrëngatë…

/QendraPress/