Çaste poetike me poetin;-Abdullah BLAKÇORI

LIGJËRUESI I LIRISË

(KRYETRIMIT SYPATREMBUR

ZAHIR PAJAZITI)

———————————————-

Malet seç buçasin

Fushat seç gjelbërojnë

KOMANDANT ZAHIRIN

Sa herë e kujtojnë

Valët e lumit Llap

Brigjet i tundojnë

Kur këngën e ZAHIRIT

Ëmbël e këndojnë

Mos është në Shqipëri

Së bashku me dy trima

Kah sjell armatim

Me hap si vetëtima

Mos është në Gllogjan

Apo n’bjeshkë t’Junikut

Mos është n’Dukagjin

Kah i sulet armikut

Mos është në Drenicë

Me dy krahë skifteri

Mos është n’Karadak

Kah i shkrep mamzeri

Nga martina e Tij

Qielli veç flakëron

Se Ai është vetë shqiponja

Që LIRINË LIGJËRON…

/QendraPress/