E mërkura poetike me poeten:Lavdije HOXHA
Ndoshta do të kthehem një ditë!!
——————————————–
Ky internimi i kurbetit, frymën ma ka marrë,
Më ka burgosur, dhe shpirti nuk më ka rehat,
Nuk ndjehem e qetë, se gjithçka më mungon,
Vetmia në dhe të huaj, shumë po më mundon.
Me shpresë se do kthehesha përsëri, erdha në mërgim,
Çdo gjë që ndërtova, i lashë në harrim,
Mora me vete në valixhe, mall edhe shpresë,
Duke menduar se një ditë do kthehem, që në vendlindje të vdes.
Por jo po ndodh e kundërta!
Çdo gjë që ndërtova atje u shkatërrua
Kurbeti i zi rininë na e mori,
Me të dashurit e zemrës shumë na largoi.
Shpesh herë e mërzitur, e pyes unë veten time,
A do të kthehem vallë, ndonjëherë përgjithmonë në Atdhe??!!
Kjo pyetje në shpirt,sa shumë më mundon.
Dua që në vendlindjen time, e qetë të vdes atje.
/www.QendraPress.com/
