E shtuna poetike me poeten ; Kumrie Avdyl SHALA

DASHURI PËR ETËRIT E MI

——————————————–

Në qepalla të syve shoh vuajtje,

E sytë plot lëng

Ushqejnë dashurinë.

Buzët të mbuluara me shkrumb,

Të çara e të gjakosura nga acari i natës,

Ledhatojnë hijen e pajetë

Të ndjenjave të harruara për një çast.

Shpirtin s’e shëron askush veç ju,

Një zë kumbues dëgjoj nga larg,

Ofshama e hijes së padukshme psherëtin.

Në ata sy të lodhur nga pagjumësia shoh vuajtje të paskajshme, Të lënë pas dore.

Dashuri e harruar për etërit e mi,

Të strukur në pellgun e natës,

Përkundet në ndërgjegjen tonë,

Për gjumin e vdekjes,

Kalbet me gjethet e pyllit,

Në gërmadhat e shpirtit të copëtuar,

Pa mëshirë.

Prapë një zë nëpër dhëmbë,

Duke belbëzuar më mbetët në fyt,

E hija juve, etër të mi,

Plagët më shëron.

Dashuri për ju, o etërit e mi!

Dashuri, mes jush nuk ka kufi.

K. A.Shala /Data:18.10.2021

/www,qendrapress,com/