Fryma poetike e së dielës me poeten; Ajne IBËRHYSAJ

NGJYRA TË AKULLTA

———————————–

Ato janë diku thellësi shpirtit

As sytë e mi nuk i pikturoj dot

Errësirën heshtjës e bëjnë dritë

Sytë e zjarrtë përpijnë piklat e shiut.

Shpesh as me frymë nuk ngopem,

Ditët sikur duan ngjyra të flakta

As forcë fjale nuk kam ,

Që të dua shenjtërinë hyjnore!

Vetëm perënditë dinë me dashtë.

Deri sot e gjitha u bë vetëm për lojë,

Për t`i gjetur ngjyrat e shpirtit,

U bëra akull me këto ngjyra!

Pikturë që më godet e mbërthen trupin

Askund nuk gjen gozhdë,

Për t’i varur fijet e besimit

E të prehet shpirti,

Nga ngjyrat e akullta që pikojnë!

Ato, pikturojnë nurin tënd engjëllor!

Atë ditë, edhe maja e gurit

Prek qiellin me dorë,

Sytë e qeshur kur do t`i pikturoj!

/www.qendrapress.com/