Fryma poetike e së dielës me poetin;-Skender BERISHA
VAJZA LUFTËTARE
———————————
E tha dhe e bëri
tha do të dal te mali
atje gatuhet liria
atje më pret djali
nën kapelë gërshetin
në zemër guximin
do të njihet me trimin
hijet e zeza tretin
hapi i saj i gëzuar
ndihej mbi dushkun shtruar
shtratin e dheut me lule
e para në flakë sulej
ajo qeshte si liria e afërt
zgjoheshin zogjtë e plagosur
ndizej zjarri bubulak në natë
gufonte zemra e flakëruar
/QendraPress/
