Fryma poetike e së mërkurës me poeten;-Elmije AJAZI

Te thirra jetë…

————————-

dhe erdhe tek unë

me dritë në sy,

me erë të lehtë në flokë

dhe me qetësinë e një shpirti

që di të shijojë bukurinë e çdo çasti.

Sot nuk kërkoj asgjë më shumë

veç buzëqeshjeve të sinqerta,

ditëve që mbajnë aromë lumturie

dhe momenteve që mbeten gjatë në zemër.

Dua ta jetoj jetën me hijeshi,

me zemër të lehtë,

me shpirt që vallëzon si valët mbi ujë

dhe me sy që shkëlqejnë nga gëzimi.

Sepse jeta bëhet më e bukur

kur mëson ta duash çdo çast të saj…

ngadalë, qetë dhe me gjithë shpirt.

/QendraPress/