Fryma poetike e së mërkurës me poeten: -Sinani Vokshi LINDITA

KUSH QUHET BURRË?

Nuk është burrë ai që motrën e lë në baltë

Që injoron lotët, dhimbjen e saj dhe

I mbyll zemrën e tij si një derë .

Nuk është burrë ai që dorën ngre

kundër një gruaje, që lyen shtëpinë me frikë

dhe e kthen heshtjen në thikë

Burrë është ai që qëndron si një shkëmb në stuhi,

që mbron pa zinxhirë dhe do pa pushtet

Burrë është ai që di të kapërcejë zemërimin e tij,

të përulet përballë gabimit dhe të

kërkoj falje me një shpirt të pastër.

Sepse forca nuk është grusht, as nderi nuk është zë I lartë.

Është zemra që di të falë

Pra kush quhet burrë?

Ai që di të ngre të dobëtit

Ai që nderon gratë

Ai që nuk merr hak por di të falë

/QendraPress/