“Kërkesa e serbëve për shkarkimin e kryetarëve në veri”, Zeqiri: Nëse gjithçka është konform ligjit, unë përkrah çfarëdo rezultati

                          Kryetari i Zubin Potok, Izmir Zeqiri ka thënë se është i gatshëm të përkrahë çfarëdo rezultati nëse kërkesa e serbëve për shkarkimin e tij është proceduralisht brenda ligjeve të Kosovës. “Në qoftë se gjithçka është proceduralisht brenda ligjeve të Kosovës, unë përkrah çfarëdo rezultati”, ka thënë Zeqiri në RTV Dukagjini.Ai ka thënë se ka pranuar informacione nga kabineti i tij se ka iniciativa nga tre qytetarë serbë për shkarkimin e kryetarëve të katër komunave veriore.Ndryshe, Ministri i Administrimit të Pushtetit Lokal (MAPL), Elbert Krasniqi, ka thënë se nuk ka ndonjë njoftim zyrtar për kërkesën që disa banorë nga radhët e komunitetit serb në katër komunat në veri të Kosovës – Mitrovicë e Veriut, Leposaviq, Zveçan dhe Zubin Potok – kanë tentuar të martën, siç kanë thënë, paraqitjen e një “kërkese për shkarkimin e kryetarëve aktualë”.Sipas Krasniqit, Udhëzimi Administrativ e përcakton qartë procedurën e inicimit, të organizimit dhe të dorëzimit të iniciativës së qytetarëve për largimin e kryetarit të komunës nga funksioni.Ndërsa, nga KQZ-ja kanë thënë se kanë pranuar disa emaile në lidhje me inicimin e kërkesës për largimin e kryetarëve.