Fryma poetike e së mërkurës me poeten:Lubi H.TOTA

AI ZA FYELLI M’KA ROBNUE !

—————————————————

Ai za fyelli më ka robnue

Dhe më zgjon çdo ditë nga gjumi

Her më vjen andej nga bjeshka

Her më vjen ai zë nga lumi.

I mbledh bashkë zogjtë me lulet

Ai zë fyelli dit për ditë

Mu prej veni zemra më shkulet

Zëri yt po donë me m’byt.

Sa her dëgjoj unë atë za,

Më dridhe zemra n’kraharor,

Herë më duket se vjen nga bjeshka,

Herë më duket se e kam n’oborr.

Tufën bashkë e bën ai zë

I mbledh vashat krejt në valle

Më vlon gjaku nëpër deje

Për k’të dashuri të madhe .

Atë zë shpesh e përcjell era,

Them me vete iku e shkoj,

Kur e kthen era drejt meje

Me lot shpirti e përqafoj.

Unë atë zë e dua pafund,

Ai zë fyelli më trazon plagë,

I bledh lulet nëpër bjeshkë,

Dashurinë ma mban të gjallë.

Ai zë fyelli m’ka robnue,

Mi shton vitet e m’rinon.

Ai fyell bie veç për mue,

Dashurinë çdo ditë ma shton.

Bashkë në bjeshkë do të dalim

Lule e zogj ti bëjmë nji,

Le të jen për ne dasmorë,

Dëshmitarë për dashuri.

Shkroi SULBIE .H .SHEHU.

/www.QendraPress.com/