Çaste poetike me poeten:-Teuta BIÇAKU

Në këmbim

——————-

I dhashë jetë jetës ,

në ditë përvëluese ku ajri mungon .

I dhashë frymëmarrje e mora në dorë ,

e hukata me frymë,

e ngroha në ditë të acarta me borë .

E pashë të çelej të lulëzonte ,

mora ca degëza e thura kurorë.

I kërkova jetë jetës ,

një grimcë buzëqeshje,

ta zbërthejë në spektër ngjyrash pas pikës së lotit …

Një, vetëm një feksje.

I kërkova jetë jetës,

një grimcë prushi në thëllim.

Hodhi hi mbi prush të vakët

ngjyrat dhe prushi s’u bënë as pasqyrim.

#teutabiçaku #poetry #copyright

/QendraPress.com/