Çaste poetike me poeten;-Anila TOTO

Ka kohë që koha nuk ka kohë

të hesht në mendjen time.

Një uragan që nuk ndalon

më bën copë e thërrime.

Si ikin vitet kështu pareshtur

si një ujëvarë nga mali.

Rrëmben me vete trup e zemër

e dot nuk mund t’i ndali.

Oh…

Ç’kohë presim për pak paqe

kur bota zien ndër luftëra.

Nëpër kompjuteria vendosen fatet

në lista të panumërta.

Nuk është më e qartë kur gjithçka rend

në është mekanikë a zot.

Pak paqe të hesht trup e mend

e kohën ta kap në kohë.

/QendraPress/