Fryma poetike e së dielës me poetin;-Murtez ASLLANI

ATY KU PIKON LOTI

——————————–

Kur pikon loti

zemra lëndohet,

fytyra zbehet,

sa trishtim

për njeriun!

O, mos derdh lot

po kërkoje lumturinë

edhe pse pak lumturi ka,

qesh edhe kur s’të qeshet

mos e trazo zemrën!

Loti është i rëndë

si plumbi,

loti pikon në tokë,

e toka ujitet me të,

por i vjen shumë rëndë

edhe toka qan e rënkon

bashkë me lotin tënd.

Sa vështirë për njeriun

që i mungon buzëqeshja,

ka vetëm trishtim,

lot e vaj,

mallëngjim e vuajtje!

/QendraPress/