Çaste poetike me poeten;-Makfire SHALA

Mes Dy Vendlindjeve

———————————

Kur nisna për Kosovë,

zemra jem mbetet në Zvicërr,

e kur kthehna në Zvicërr,

shpirti m’thërret për Kosovë.

N’Kosovë m’pret era e fëmijërisë,

rrugët, njerëzit, gjaku jem,

aty ku toka flet shqip

edhe gurët ta njohin emrin.

Po edhe Zvicrra m’u ba shtëpi,

me qetësinë e saj, me dritat e natës,

aty ku ëndrrat i ndërtova

edhe jetës i dhashë kuptim.

Dy vende i kam në zemër,

dy flamuj që m’ngrohin shpirtin,

njanin e kam prej gjakut,

tjetrin prej jetës që e ndërtova.

E shpesh rri tu mendu:

a ka njeri ma t’pasun se unë?

Se Zoti m’i dha dy vende

ku e ndjej dashninë dhe paqen.

Kosova m’jep rrënjët,

Zvicrra m’jep krahët,

e unë mes tyre jetoj,

me zemër të ndame në dy botë.