Fryma poetike e së mërkurës me poeten;-Elvira ZENELI

Valët e shpirtit tend

——————————–

Jeta, më së shumti, është fat.

Fati vjen e mbi supe të ulet,

Edhe pse me trup gjendet larg,

Në zemër mbetet dhe nuk shkulet.

Sa gjëra nuk i realizojmë në jetë,

Sa brenga na mbeten në zemër!

Edhe pse nuk mund t’i prekim dot,

Gjithnjë jetojnë si një ëndërr.

Lumturitë e mëdha nuk zgjasin,

Ndoshta kështu e kanë fatin;

Por nëse një ditë ndodh mrekullia,

Të përjetshëm do ta skalisim çastin.

Ti je një qiell i plotë,

Me të gjitha ngjyrat e mrekullisë;

Ndoshta ke ardhur në këtë botë

Si pasqyrim magjik i dashurisë.

Kur dëshirat si gjethe vjeshte u zverdhën,

E zemra nuk mbante më zhgënjime,

Valët e shpirtit tënd te unë erdhën

Dhe u bënë det i zemrës sime

/QendraPress/