Çaste poetike me poeten;-Bruna THANASI

Harrova fare,ku kam dashurinë.

——————————————–

O i dashuri im,më fal këtë herë.

Të kam lënë mbas dore,këto kohët e fundit.

Se mendjen ma mori,kjo politikë e mjere

Që na la pa puthje,pa pikën e gjumit.

Në vend që të mbytem,në tënden dashuri

Po numëroj skandalet,që ndodhin në Tiranë.

Ndaj eja më merr,nga ky tmerr i zi

Se buzët flakë,fillojnë e po më çajnë.

Më doli përpara,ai miku me komente

Që më hoqi nga lista,se s’mbroj qeverinë,

U nxeha pak,u mbyta në debate

Dhe harrova fare,ku kam dashurinë.

Ndaj sot,po i mbyll të gjitha ekranet

Se “vrimat’e lajmeve,,na lanë pa gjumë

Në shtratin tone,ne do thurrim planet

Puthje e përqafime,të na rrjedhin lumë!

/QendraPress/