Çaste poetike me poeten;Shqipe Bytyçi
QOFSH I MBARË 2024
——————————
Me orët e numruara
skaj pemës së vazhdimsisë
plak i lodhur, mjekërrbardhë
tërhoqi të dymbëdhjetat zvarrë
mblodhi plaqkat
të arriturat, lëvdatat
dështimet, hidhërimet
edhe gishtat e ngritur te hunda
bëri bilancin
shkëlqim dhe mjerim
dashuri dhe urrejtje
ëndërra dhe makth
Me frymën e fundit
ndezi qiriun e trashëgëmisë
mes cakrrime gotash
sy shpresash lëmashkur
mes përqafimesh, urimesh
dhe kur akrepat u puqen
atij t‘brishtit, t‘pafajshmit
t‘gjithat n‘dorë ja la
problemet globale
milon ëndrra
edhe kapriciet e fëmiut
atje pas dere
dhe s’qau kokën fare
i mban ose jo kurriz i brishtë
agjendë të ngjeshur
treqind e gjashtëdhjet e pes ditë
kodesh të filtruara
akujsh dhe prushesh n‘gji
Mirëardhsh
çofsh i mbarë, ti i brishti!
Qofsh i mbarë, ti i riu!
ShB
& & &
RRUGËTIMI
———————–
Më thuaj, mik
bën rrugëtimi, njerinë
apo njeriu, rrugëtimin
Të tjerë e thonë
një dorë e tretë
formëson baltën tonë
Një ditë pash një pikë uji
që pyeste veten,
nëse ka pi një oqean
Një tjetër pikë
që ishte ngulfatur
në një pikë uji n‘sy
Të tjera që treteshin
pa u shkri kurrë n‘gji lumi
Çdo ditë shoh me kujdes
krijesen mbrenda meje
I them zemrës, duaje
ashtu, ashtu siç është
më pas vazhdoj të latoj
një jetë të tërë
një jetë të tërë…
ShB
