Çaste poetike me poetin ;-Bujar SALIHU
BIJA E ORFEUT
———————-
Ai i dha shpirtin
Në Olimp zotërat
Iu përulën magjisë së saj
Udhës një Shtojzovalle e plagosur
Ai fali zërin
Foli shpata
Fjalës ia vuri flakën
Megjithatë më 21 mars
Përsëri besova
Se vdekja vjen gojëlidhur
Ndoshta qe vetëm
Një çast mashtrimi
Mes sheshit të shkalluar nga shpatat
Po kush tha
Se bija e Orfeut
S’u kthye në Olimp
/QendraPress/
