Çaste poetike me poetin:-Nexhbedin BASHA

FLLADI I KORABIT

———————————-

Malli djeg zemrën e zhuritur,

siç mbeten kujtimet në rrugicat e fshatit;

kurbeti na shpërndau si zogjtë e korbit,

zemra u bë prush e përvëlon

malli.

Shkruaj të lë gjurmë në ditare,

për qytetin e blirit, hijshëm si

zambak i verës,

shkëlqimin tek sytë, këngën e

agimit,

aty ku mora çelësin e artë të dijes

dhe aromën e pranverës.

Flladi i Korabit më sjell ndërmend mozaikun dibran,

si në legjendat e lashta: rrugët,

shtëpitë, fytyrat e dikurshme;

çdo gur ka një kujtim të fshehur

si ar,

çdo shteg një mall që s’u shua kurrë.

Dhe kur Korabi ngre retë mbi

supe,

unë kthehem te vendi ku linda e u rrita;

aty ku malli bëhet varg,

dhe kujtesa mbetet rreze dritë.

/QendraPress/