Çaste poetike me poetin:-Rizah RESHANI

ELEGJI PËR ATDHEUN

Urtaku ynë i madh

Ylber i shpirtit tonë.

Pse të shembin si gardh?

Të braktisin përgjithmonë.

Për një parajsë të imagjinuar

Për një rehati të rrejshme

Të gjuajmë si një rrobë të vjetruar

Si një trung peme të pashëndetshme!

Harrojmë se këtu kemi lerë

Këtu kemi pirë së pari ujë

Këtu jemi rritur me nder

Jemi bërë, oh, jemi bërë burrë.

Harriojmë se këtu janë varret e gjyshit

Valëzat e lumenjve ku jemi larë

Pemët më të dashura të fytit

Goja kur na ishte tharë…

Për ca lekë të djallit

Dheun e tokës lëmë shkretë

S’ na ndal as loti i vajit

I nënês, i fëmijês së sinqertë.

Vrapojmë si të çmendur

Drejt tokës së huaj që vret

Si i dehuri që hapin ka hedhur

Dhe drejt gropës rrëshqet…

….

/QendraPress/