E diela poetike me poetin Sabit Rrustemi

LIRIA KA VEÇ NJË EMËR

——————————————-

Ishe emblema. Ishe Plisi

Përballë një kohe. Një apokalipsi

Me dekada na drodhi. Dredhë

Erë karpatesh. Gjuhëverdhë

Rregulla luftërash e frontesh theve

I palëkundur.Gurë i kësaj treve

Nuk u bëre loj’s. E the pa rrotull:

“Den baba den rr’non k’tu ky popull”

Një mal vite në ty. E pak një jetë

Rruga për n’atë Plisore aspak e lehtë,

Sizif i vonë në beteja ballkani

Rrënjë e thellë me zemër dardani

Atë kohë. Tash. E më vonë

Nuk mbahet shtëpia pa të zonë,

As sofra pa kripë bukë e zemër

A the vetë: liria ka veç një emër

( 2008 – 2009 )

______________ E marrë për botim, në konkursin anonim letrar, “Flaka e Janarit” 2009…