E diela poetike me poetin;Musa Jupolli
(Fribourg)
Kur gabon poeti
——————————————
Po e zëmë, poetit mund t’i shpëtojë një Ë
Apo edhe një germë e vogël a një presje
Çka bëhet
Ngritën çakejtë dhe i hidhen si bisha t ‘egra
Duke u fshehur pas tradhtisë e korrupsionit
Dalin e vallëzojnë me jargë të « patriotizmit »
Po çfarë nuk bëjnë këta maskarenjtë
Kur gabon poeti
Po e zëmë, analistëve politik u thotë
Mos e ndihmoni kulaçin e partive
Ngritën “analistët” në Olimp
Thërrasin djallin në ndihmë
Mbytni atë të gjorë
Se veç penës gjë tjetër s’ka në dorë
Kur gabon poeti
Po e zëmë, e përkrah rininë
Ngritën shefat e partive e flasin me sy t’ çartur
Zot epu « viza » ta lëshojnë atdheun
Pasurinë e këtij dheu e hamë vetë
Po i dëgjuam klerikët
Këta matrapaz që e urrejnë
Kulturën arbërore
Thonë me tërbim
Poetët Perëndia nuk i do
*
Kur gabojnë poetët
Vetëm dielli i ledhaton
Vetëm Nënat shtrydhin gjiun
Vetëm motrave loti u derdhet si lumë
Kur gabon poeti
Aty bëhet « kiameti »…
29.04.2020
