DIELL I JETËS SIME

—————————————

Kyçi i gjithçkaje të ndritshme je ti

një rreze jotja si Levë e Arkimedit

s’më la që ta humb drejtpeshimin

nga dallgëzimi i artë i rrezatimit

Pushteti yt aspak s’më ka trembur

ai më fliste me shkëlqimin diellor

me aromat dhe bukurinë e luleve

shembëllimi më ka bërë ta ndjek

Jam rrëzuar nga sinqeriteti tepruar

kam humbur, por, edhe kam fituar

dashurinë njerëzore më ka dhuruar

E barta dhe e vulosa thellë në shpirt

ku secili e ka mirësinë e vet që jeton

aty ku dielli i jetës së njeriut ndriçon

Leave a Reply

Your email address will not be published. Required fields are marked *