E mërkura poetike me poeten;-Ymrije BEQIRI

VENDLINDJA IME

——————————–

Vendlindja ime me blerim mbuluar

E pasur me mollë, me dardhë e me ftua

T’i dua malet e larta

Kepin me Gurin e Madh

Me kohën me bar mbuluar

Krojet e ftohta

Arat me drithëra pasuruar

Fushat me lule shumëngjyrëshe

Lulet nga medicina preferuar

Rininë e shëndoshë

Me plot gjallëri duke punuar

Arat e gjyshit plak e kodrinat

Ku shumëherë e dërguam

Bagëtinë në kullosa

Tek arat e shpati …

Sa vite atje kalova

Malli seç më djeg për ty

As sarajet e botës s’do t’i doja

Po të mundja te balta juaj për t’u kthyer

Ta gdhend një jastëk prej guri

E trupi të më pushoj aty

Sepse gjithmonë kam thënë

Kudo që shkoj e bredh rrugëve të botës

Varrin e dua prej baltës sate

E ti, toka ime të më mbash në gji

/www.qendrapress.com/