E mërkura poetike me poetin;Rexhep M. MORINA

SHESHIT HELMATISIN

——————————————-

Hapësirës së errët të shpirtit ka mbetur,

Pesha e hidhur e dëshpërimit të patretur,

Re pluhuri e ngritur prej kalit të azdisur,

Shtegut të kohës ngeli gjurmë e braktisur.

Shijen e ka pelin në lëngatën e heshtjes,

Barrë zhgënjimi nga helmi i gënjeshtrës,

Qe kutërbim neveritës i gjarprit me sy,

Sheshit helmatisin,tani bashkë të dy.

/www.QendraPress.com