Fryma e së dielës  poetike me poeten:Blertë Tmava VESELAJ

ME TY DO TA PREK QIELLIN !

———————————————–

Agimeve të bardha kur dita nis kësaj ane

Netëve të vona kur hëna ndrit si di vetë…,

I lumtur prehem në krahët e një zane

E kështu dua të mbetet sa të kem jetë !

Ndonëse tashti është një qetësi ëndërrimtare

Dua të prehem në krahët e tua përjetë…,

Edhe kur mbi ne të sillen orteqe

vrastare

Në do fluturojmë krenarë , si zgalema mbi det !

Tash rrugët e jetës për ne janë hapur plot dritë

Si retë që ikin e rrezeve të diellit ju hapin udhë…,

Nga buzëqeshja e ëmbël ty të ndrisin sytë

E ajo dritë vjen kaq e ngrohtë drejt e tek unë !

Unë besoj pafund , qiellin me ty do ta prek

Ishte dhe është një ndjenjë e madhe , e pashuar…,

E netëve të gjata kur hënë të mos ketë

Imazhi yt , dritë– vezullim do jetë për mua !

Ishte dhe mbetet një ndjenjë e pashuar

Në pafundësi qiellin e kaltër

Bashkërisht e shfletuam !

/www.QendraPress.com/