Fryma poetike e së dielës me poeten;-Albulena LETAJ

ENGJUJVE TANË

————————————

S’kam zemër të shkruaj

Por po e bëj për ty

Të kam mike të shpirtit

Prapa s’mundem me të kthy

A E MBAN MEND KUR…

Cep më cep objektin

Me lotët tanë e lanim

Dhimbje të pa përshkueshme

Në kraharor rënd e mbanim

Ehh! Ata mantelbardhët

Na dukeshin si hiena

Sa shumë që i urrenim

Që s’flisnin çka ne na e donte zemra

Na zbardhte agimi

Me lutje drejtuar tek zoti

Sa shumë të trishta ishin netët

Kur shoqëroheshin nga loti

Ne u bëmë të forta

Ashtu edhe sot jemi

Edhe pse përbrenda vetes

Dhimbje pafund kemi

E ATA…

Si dy engjëj nga më të bukurit…

Fluturuan papritur nga ne

E copëzat e zemrave tona

Së bashku me ta i futëm nën dhe

/www.qendrapress.com/