Fryma poetike e së dielës me poeten;-Anila KODRA
THJESHT … TË HESHTËSH .
————————————
Të heshtësh , kur do të bërtasësh fort ,
Lumturitë t’ja tregosh detit e malit.
Dhe pse ke dëshirë ta dëgjojë një botë ,
Mbetesh përhumbur mes dëshirës e fajit .
Të heshtësh , që bota kurrë mos ta dijë
Se shpirtin pas shiut ta ngrohi dielli ,
Ta ruash të shenjtë dhe rrezja të ndrijë ,
Të flasësh me yjet si zogjtë me qiellin .
Të shuhesh brenda vetes edhe kur je zjarr ,
Të flasësh me zanat kujt mos i tregosh ,
Të shuash vullkanin që flakë ka marrë ,
Të flesh me një ëndërr , me atë të jetosh .
Ti flasësh vetes çdo ditë , thua se s’je ti
Kujt mos ja thuash të shtrenjtat fjalë .
As kurrë mos ta mësojnë se ka dashuri
As se minutat bëhen orë nga një mall .
Të heshtësh , e vetja të flasë me ty ,
Të të bëhet gjithçka si një mike e mirë ,
Sepse brenda vetes ti je bërë dy ,
Në honet e shpirtit ke një ëndërr e dëshirë .
Të shuash zjarrin e mallit që djeg ,
Të heshtësh kur zemra ka marrë arratinë ,
Ta nderësh shpirtin në pemë e në degë
Të besosh se mrekullitë paskëtaj vijnë .
Të fshehësh mbytur një lot gëzimi
Qe faqes lëpihet si i një fëmije pa faj ,
Hesht që nesër të mos ketë çaste pendimi,
Mblidhi lotët. Brenda shpirtit oqean i mbaj .
Të heshtësh , kur zemra bërtit të thotë .
Mëndja çdo herë me forcë kundërshton.
E vogël pa vlerë të duket kjo botë ,
Kur s’mund të tregosh c’ka shpirti provon .
/www.qendrapress.com
