Fryma poetike e së dielës me poeten ;-Brunna POETJA

BËJ SI TË DUASH

——————————-

Në këtë botë të përjetshme, askush nuk qe i përjetshëm

Gjithçka do ta lëmë mbi varr, veç emrit të pavdekshëm

Çdo kush do t’kujtohet për keq apo për mirë

Njerëzit do t’flasin për ty si të kenë dëshirë.

Në qofsh djall do t’pështyjnë mbi varr

Dhe në qofsh engjëll do të ngrejnë lapidar

Nëse fjalët mbas vdekjes për ty s’kanë rëndësi

Mendo që kush bëri keq, s’gjeti kurrë qetësi.

Nuk gjeti qetësi as mbi tokë dhe as nën tokë

I pagoi të gjithë mëkatet dhe mallkimin mori në tjetrën botë

Është zgjedhja jote , bëj si të duash

Në do fund të lumtur , mos bëj keq , që t’mos vuash!

(B.Softa)

/www.qendrapress,com/