Fryma poetike e së dielës me poetin;Asllan MIFTARI
PO TË PRES ME MALL
————————————–
Ku je ngjitur dashuri…
A në qiell ke hipur shpirti im
Zbrit moj t’ i shoh ato sy të zi
Kësaj bote të acartë, t’ i japim pak ngrohtësi !
Ka ditë, muaj, ndoshta dhe vite pa mbarim
Po të pres me mall e pa durim
Ku ke humbur dashuri….
Aman eja…! – Eja shpirti im..!
Se ti do të zbresësh një ditë
E do të nisesh në rrugë veriu
Eja shpresa ime
Zemra më digjet si qiriu !
Ti do të vish në rrugë veriu
Dhe se është ftohtë e bën acar
Dashuria s’ njeh ngricë e ftohje
Trup e ndjenjë i ndez në zjarr !
Ti do të vish tek unë
Dhe se rruga është e gjatë
Dashuria kurrë s’ ndjen lodhje
E gjithmonë do të bëj uratë !
Unë gjithmonë do të bëj uratë
Se ti ndjenjat na i ndez zjarr
Ti sjell vitet e bukura të rinisë
Kur dashuronim si të marrë !
Ti do të nisesh drejt meje
Dhe unë s’ do të nguroj të pres
Ëndërrën e madhe që kisha për ty
Asnjëherë s’ do ta lë të vdes !
Ëndërrën e bukur e plot mall
Që ëndërroja gjithmonë për ty
Nuk do e lë të fluturoj diku gjetkë
Por do ta ngul thellë në gji !
Do ta ngul thellë në gji
Dhe nëse zemrën ma pushton
Me dhimbje ndoshta do të mbaj
Se ajo për ty rrënkon…!
Për ty rrënkon zemra
Por dhe trupi mbarë
Dashuria është ndjenjë
Nuk është lule e tharë !
Dashuria s’ është lule e tharë
Por as gënjeshtër e hipokrizi
Dashuria është lule e mbirë në shpirt
Që duhet ta vadisë çdo njeri !
Çdo njeri duhet ta vadisë
E ajo të mos thahet kurrë
Që heret në lashtësi ..
Asaj lavde i kanë thurë…!
Deri dje më thurje vargje
E më thoje jetoj për ty
Vallë ku u tretën fjalët
Ndjenjë e zemër më digjen si qiri !
Ka ditë e muaj që po të pres
Ndoshta vite pa mbarim
Më the për ty jetoj
Ku u tret i gjithë ai premtim…!
Ti do të vish tek unë e dashur
E me padurim do të pres
Por do t’ i vemë një pikë mbi “I”
Që ajo të mos tretet, si e pranverës vesë !
Ajo të mos tretet
Si e pranverës vesë
Të rrojë gjithmonë në ndjenjë
E kurrë në zemër të mos vdes !
Ajo kurrë në zemër të mos vdes
E të rrojë në pavdekësi
Mos na zhgënje e bekuar e Perëndisë
Botës t’ i përcjellim paqe e mirësi..!
./www.QendraPress.com/
