Fryma poetike e së mërkurës me poeten;-Manushaqe TOROMANI

VDES,KUR SHPIRTI VDES.

———————————–

Kur të vdes shpirti

Më kot vazhdon të kërkosh të jetosh

Jeta merr fund me vdekjen e tij

Pa shpirtin kthehesh në një orendi që koha e përdor sipas interesave të saj

Ulet e rëndë këmbëkryq mbi ty duke ta marrë frymën

Dhe ti e pranon

Sepse ske shpirt me forcën e të cilit të kundërshtosh

Sepse të mungon dashuria për jetën

Tashmë ke vdekur

Dhe këto janë momente kur duhet të mblidhen e të vajtojnë për ty

Të qajnë për vdekjen tënde

Paçka se ndryshe nga të gjitha vdekjet që ne i quajmë të tilla

Ti do të jesh vet aty

Në mes të të gjallëve

Duke organizuar ceremoninë e vdekjes tënde

Vdis,vdis nëse ke mbetur pa shpirt

I gjalli jeton mes të gjallëve.

/www.qendrapress.com/