Memli Krasniqi ia kërkon dorëheqjen Nagavcit: Ofroni zgjidhje, leni thirrjet  

                                      Kryetari i Partisë Demokratike të Kosovës, Memli Krasniqi, i ka replikuar Ministres së Arsimit, Arbërie Nagavci në lidhje grevën në arsim.Krasniqi ka thënë se është Qeveria ajo që duhet të reflektojë dhe të bëjë zgjidhje për dalje nga kjo situatë dhe jo të bëjë thirrje për mësimdhënësit për të reflektuar.Krasniqi tha se Ministrja Nagavci duhet të dorëhiqet  nga pozita e saj.“Ju po bëni thirrje që mësimi të fillojë. Por ju jeni në Qeveri për të bërë zgjidhje, jo thirrje. Ju duhet të jepni dorëheqje që i keni mbyllur në shtëpi 320 mijë fëmijë. Çohuni e bëni zgjidhje. A jeni duke jetuar në ndonjë ballon ndaras nga shoqëria. Po janë 28 mijë punëtorë të arsimit, shumica mësimdhënës, ata po thonë që po jetojnë keq. E ju po flisni si ua keni rregulluar kushtet”, ka thënë Krasniqi.“Ofroni zgjidhje e leni thirrjet. Dita do me ju shku duke ndejt”, ka përfunduar Krasniqi.