Me poetin nga diaspora; Mursel Sopaj
NË PRITEN E ZËNË
/Mehë Ukës /
————————————-
E dimë vendin,prite ku të zunë
Shumë gjëra të sakta,për ty nuk u than
E zgjodhën natën e motin e ligë
Që prita e vrasja,t’mos dilnin në dritë !
Nuk e dimë sakt,çfarë kishe me vete
Pos dritës në sy,e zjarrit në gji
Po dimë se ajo dorë vrastare
Ta njihte mirë, hovin stuhi !
Thanë se ishe,në një mision fisnik
Që zemrat dhe armët të bëheshin bashkë
Po në atë rrugë që heret ishe nisur
Rrugë të cilën e lave edhe me gjak !
S’kemi përse shkojmë në vendin e pritës
Nëpër prita,e kalove gjithë jetën
Se plagën e more veç në gjoks
Deshmojnë qelitë e burgjeve për qendresen !
]31 dhjetor 2020
A KA KUFI MARRËZIA ?
——————————
O njerëz,a ka kufi marrëzia ?
Në heshtje të kaloj,kur vritet fëmija
Sot s’ka mbyllur sytë nje 15 vjeqar
Tek secila zemër,është hapur një varr !
O njerëz,prej nga gjithë kjo egërsi ?
A ka shkolla, mësues,a ka gjyqësi ?
Për çfarë flitet,në kisha e xhami ?
Ç’hall ka “Kuvendi” kush e di?!
O njerez,përse kështu kjo heshtje
S’po shkon drejt varrit,veç një i ri
Nuk rrjedhë i nxehtë,veç loti i një nëne
Çdo zemër nëne,ka marrë plage në gji !
O njerëz,a ka ndonjë fund durimi ?
A ka mbet fije shprese,për zgjohem ?
Apo gjarpnojt e gjakut,i kem të përjetshem
E s’duam kokën t’ua shkelim !
Hagen 19 janar 2021
