E diela me poeten ;Mirvete Kabashi Leku

BACË ADEM

—————–

Me guximin Tënd

Mësuam si duhet dashur atdheu.

Rrezët e Diellit ia dhurove Kosovës

E rininë ia fale errësirës.

Krenari e shqipes

Flakadan i etjeve për liri

Ti përherë do të mbetesh

Legjendë e gjall

Lapidar i atëdheut.

Me shembullin Tënd

Do edukohen breza

Do mësohen si mbrohet atëdheu

E si ruhet gjuha

Ballëlartë do i lexohet krenaria

Për Ty flakadan

I etjeve të zhuritura

Me shkronja ari

Do shkruhet historia

E s’do pushoj pena e poetit

Bacë Adem

Ikonë e kombit!