Në ditën Ndërkombëtare të poezisë me shkrimtarin;Rexhep Hoti
Pa të Bukurën!
————————-
Nëpër rruzull mbështillet vetmia,
Heshtja parakalon
në mesnatë,
me diell,
në çdo çast!
Poetët bënë moratorium me turp me muzën!
S’ka krijime!
Vetëm politika i lëshon po ato klithje si përherë,
Nëpër tremet kadife ajo përhumbët!
Pamja jote m’u mbulua me rrudha,
Si një qumësht i thartuar m’u shprish!
E bukura lëngon nga infektimi;
Asnjë fjalë nuk bie në letër,
Si një hekur i parrahur
Pena m’u ndryshk!
Medet!
Bota u mbyll!
Nëpër shtatin e shkronjave mugulloi rebelimi,
Si një vagabond i përdredhur në belin e vajzës
Nata mbulon me lëkurë të mugët gjithçka!
Shpirti po e humb të bukurën,
Si piratët kur i hedhin në det gjësendet e rënda para mbytjes,
Dëborë po bie edhe në ditën e Pranverës
Por toka po çahet prej thatësisë!
21 mars 2021, Krushë e Madhe
