Çaste poetike me poeten;Fëllënza Zhuniqi Sejfullahu
NATYRË MELANKOLIKE
———————————–
Kur melankolia çdo qelizë të kaplon
dhe ti mbytësh në trishtim
kur lotët gri të shkasin me pahir
unë bashkëndiej me ty natyrë
Me sytë nga qielli kërkoj shpëtim
kërkoj rrezet e afshta të diellit
që në zemra vrerin të na shkrinë
& & & &
TË DUA…
———————
E ndiej pulsin tënd e dashur
frymëmarrjen e afshët
sytë
buzëqeshjen
rrahjet e zemrës
i mbaj në parzmën tim të valë
E ndiej pulsin tënd e dashur
dhe rilindem në çast
shpirti shkërmoq një ah të zjarrtë
frymëmarrjet tona i përziejmë
dhe nisim një vals të rrallë
Humbas misterit tënd t’pafund
dhe e di që kurrë nuk ta zgjoj rebelimin
të dua
të dua sa madhështia që ke
përjetësisht me ty ngjizur
