E diela poetike me poeten :Adelina Pali

UNË JAM BIJË E KËSAJ TOKE!

——————————————–

Një ditë …, e trishtuar lashë vendin tim.

Larg në dhe të huaj kërkova lumturinë…

Por aty më priste veç përbuzje, zhgënjim!

Një zë n’shpirt më thoshte: “mos harro Shqipërinë”!

Si shqipe fluturova, në atdhe u ktheva përsëri

Të jetoj, mes njerëzve të mirë në këtë dhe.

Tash zemra e shpirti më kanë gjetur paqe e qetësi.

Përjetë krenare, me ty i shtrenjti im atdhe!

Jam bijë e kësaj toke që quhet Shqipëri.

Adhuroj gjithçka që ajo ka dhuratë prej zotit…,

Fushat, malet, detin, qiellin, diellin, çdo histori.

Adhuroj të bukurin flamur dhe përkrenaren e tij!

Sa keq më vjen, kur të shoh të përgjunjur.

Të lutem çohu në këmbë, ti Atdheu im…!

Me këta vajza trime e djem heroj, ti mundesh…, mundesh me e vallëzuar flamurin sërish, të kam besim!

– ADELINA PALI –