E diela e 7 poezive dhe 7 poeteve:Skënder Berisha

TE MULLIRI I VJETËR

————————————————–

Shiu u përplas tjegullave

rodhi currili i gjatë strehëve

u lagëm o shokë u lagëm

u lagëm u lagëm u plakëm

i harruar mullisi i vjetër

do të lagemi patjetër

çatinë s’e arrnon si dikur

iku u shua si një flutur

na u ftohën kafetë nën shi

pushojnë dhe gurët e mullirit

trokashka e varur ç’po qanë

prockëzë e ujit gurët i lanë

trokashka trokon trurin tonë

sa larg na shpie o mulli

erë mielli e bajgash po ndiej

një melodi që mbeti në fyej

27 gusht 2013,Prizren