Fryma poetike e së dielës me poeten;-Hamide AXHAMI

PRAN LUMIT

———————-

Trupin kërrusun

Duart mbi fytyrë

Imagjinoja në heshtje,

rrjedhën e lumit tim.

Në çast lumi u rebelua

U përplas fuqishëm,

nëpër këmbët e urës së gurit.

Valë të ftohta u ngritën

Si një vello kristali,

trupin ma mbuluan.

Malli u rëndua

Kujtimet u ngrin.

&  &  &

DASHURI E BLERTË

——————————-

Blerimin e dashurova

Zërin e bukur të bilbilit

E adhurova

I hapë krahët

Kaltërsinë e qiellit të përqafojë

Fërfëlloi era

Ndër duar

Më mbërtheu ajo.

I druhem asaj

Ç’farë do ndodh pastaj!

Acarin që e krijoi

Dhimbje në shpirt

Ajo shkaktoi.

/QendraPress/