Çaste poetike me poeten;-Ramije UKAJ

URA E SHENJTË

——————————-

Mbi lumin e kthjellët shekullor

Ngrihet ura e shenjtë harkore

E ndërtuar sipas legjendës

Prej duarve të arta vëllazërore

Nën harkun e saj valëvitet lumi

Si ëndrrat e netëve pa gjumë

Ajo ta kujton besën e dhënë

Dhe Rozafën e murosur nën gurë

Ajo lidh brigjet e ndara

Dhe sytë të çmallen nga malli

Shpirtrat që kërkojnë njëri-tjetrin

Qofshin edhe përtej mali

Gurët i saj ruajnë amanetet

Se shenjtëria e saj është besa

Ajo qëndron si kala e pamposhtur

Harku i saj unazë ndër breza.

/QendraPress/