Fryma poetike e së dielës me poeten;- Vjollca BAJRAJ
DORËSHKRIM
————————-
Kur po tërhiqja nga rafti
një libër tëndin
më rrëshqiti nga duart
e nga aty ra një fletë
e shkruar me laps
me dorëshkrimin që unë e njihja
“Nëse një ditë kur nuk do të jem
kjo letër është në duart tua
ti mos qaj
unë jam aty
në këto shkronja
që gjithmonë të thonë
Të Dua”
Pamja m’u drodh para syve
gjithë librat u bënë të lakuar
e unë shtrëngoja në duar
atë copë letre
dhe përsërisja
Të Dua
