Çaste poetike me  poetin:-Rizah RESHANI

ERA E JETËS

—————————

Era e jetës na ndau

E kurrë as kafe nuk pimë

Ty kurbeti të vrau

Unë desha veç shtëpinë…

Ti ike rrugëve të botës

Duke kërkuar parajsën e ëndërruar

Unë mbeta dashnor i tokës

Dhe kurrë nuk jam penduar.

As ty nuk të akuzoj kuturu

Se vendlindjen kurrë s’ e harrove

Gjatë tufanit ishe këtu

Si më i miri ushtar luftove.

Pastaj ike prapë në Perëndim

Atje kishe fëmijët dhe familjen

Unë mbeta në fshatin tim

Munda zhgënjimin dhe dhimbjen.

Çudi si s’u takuam kurrë

Të flasim për artin dhe lirinë

Ujë të pimë në të fresktën gurrë

Ta vrasim bashkë mërzinë.

/QendraPress/