Çaste poetike me poeten;-Elmije AJAZI

A e jetova ditën sot, apo veç e kalova?

———————————————-

Ndoshta kjo është pyetja më e vështirë që mund t’ia bëjmë vetes.

Sepse koha nuk na pyet nëse jemi gati.

Ajo vetëm kalon… dhe merr me vete gjithçka që nuk e jetuam.

Ne shpesh jetojmë sikur kemi një marrëveshje me të nesërmen,

sikur çdo gjë mund të shtyhet:

një fjalë, një përqafim, një ëndërr, një falje, një jetë.

Por e vërteta është se

e vetmja kohë që na përket është ky çast.

E djeshmja është kujtim.

E nesërmja është vetëm mundësi.

Ndërsa kjo minutë — kjo frymë — është jeta.

Prandaj ndoshta pyetja nuk është:

“Sa ditë kam jetuar?”

Por:

“Sa nga ditët e mia kanë qenë vërtet të miat?”

Kosovë , më 28.8 2026

/QendraPress/