Çaste poetike me poeten;-Mia DURRËS

Zhgënjimi

—————————–

Besova shumë, se zemra ime

nuk di të ecë me dyshime,

por në jetë ka edhe njerëz

që buzëqeshin e fshehin hije.

Thurin fjalë e trillime kot,

për t’u dukur më lart se sot,

duke menduar se do të biesh,

kur emrin tënd me baltë ta lyesh.

Por e vërteta rrugën gjen,

si drita që mbi re shkëlqen,

dhe kush ngrihet duke të ulur ty,

humb respektin në sytë e tij.

Unë vazhdoj pa zemërim,

me qetësi e me besim,

sepse vlera nuk ka nevojë

askënd ta ulë që të qëndrojë.

/QendraPress/